Повредите на скочниот зглоб представуваат најчести повреди во спортот. Околу 15% од сите спортски повреди ja представуваат оваа врста на повреда. Најголем број повреди на скочниот зглоб се исчашување на лигаменитите (околу 85%), кои настануваат при дисторзија (инверзија) на стапалата. Многу поретко околу 3% од другите повреди представуваат внатрешна повреда на зглобот. По повредата има болка во надворешната страна на зглобот и оток на местото на повредата.
Дисторзијата се класификува во три категории: истегнати лигаменти (дистензија), делумно кинење на лигаментите (парцијална руптура) и потпoлноо кинење на лигаментите (комплетна руптура). Доколку отокот е благо изразен и може да се движите повредата е истегнати лигаменти. Во случај на голем оток и не може да се движите најчесто се работи за скинати лигаменти.
Лечење на скочниот зглоб
Лечење на повредата на скочниот зглоб се дели на три фази. Целта на лечењето е потполно функционално оспособување на спортистите за враќање на спортските активности со минимални ризици за повторно повредување.
Првата фаза опфаќа период од 48-72 часа по повредата. Во оваа фаза се применува принцип на акутно лечење. Се применува лед локално во траење од 10-15мин, бандажирање на местото и мирување со подигната нога. Третманот со лед се повторува на секој два часа. Целта на оваа фаза е борба против оток и хематом.
Другата фаза представува период на имобилизација или бандажирање на зглобот и трае од 1 до 3 недели, во зависност од тежината на повредата. Кај делумно или потпуно скинат лигамент се поставува имобилизатор за скочен зглоб, а кај истегнати лигаменти е доволен и еластичен стегач/бандажер со почесто мирување. Кога отокот и болката ќе исчезнат се почнува со постепени вежби со строги избегавања на ротациони движења .
Третата фаза каде повредениот е без симптом и отокот се повлекол, се препорачува вежби со целосен опсег на движења, вежби за зајакнување на мускулите и еластичен стегач за максимална подршка на зглобот и отпорност на повреди. Мускулите кој го опкружуваат повредениот зглоб даваат стабилност на зглобот.
